Xaçmazda narkotik bitkiləri əkən və qanunsuz odlu silah-sursat saxlayan şəxslərə qarşı əməliyyatlar keçirilib.
Daxili İşlər Nazirliyinin Mətbuat xidmətinin Quba regional qrupundan “ShimalNews”a verilən məlumata görə, əməliyyatlarla rayonun 4 sakini saxlanılıb.
Keçirilən əməliyyatlar nəticəsində Faiq Cəmilov, Fərid İsayev və Emin Vəlibəyovun kultivasiya yolu ilə yetişdirdikləri ümumilikdə 379 kq çəkidə 355 ədəd çətənə kolu aşkarlanıb.
Həmçinin, Ravid Ağakişiyev saxlanılıb. Ondan 2 ədəd tapança, 1 ədəd patron darağı və 7 ədəd patron götürülüb.
Faktlarla bağlı cinayət işləri başlanılıb, araşdırmalar davam etdirilir.
[video width="1280" height="720" mp4="https://shimal.news/storage/photos/2024/08/WhatsApp-Video-2024-08-28-at-09.15.41.mp4"][/video]
