Xaçmazın yeni notariusu fəaliyyətə başlayıb. Bu barədə ShimalNews 19 avqust tarixində məlumat verir.
Beləliklə, 1№-li notariat kontoru bir neçə gün çalışmırdı. Bu gün uzun illər xüsusi notarius kimi fəaliyyət göstərən Firdovsi Məmmədovun fəaliyyətini dayandırdığı məlum olub. Onun yerinə öncə Qusar rayon dövlət notariat kontorunda işləyən Dəyanət Tağıyev çalışacaq.
Adıçəkilən müəssisə N. Nərimanov küçəsində (Heydər Əliyev parkı yaxınlığında) yerləşir.
Dövlət notariusu ilə xüsusi notariusun fərqi:
Dövlət notariusları Ədliyyə Nazirliyinə tabedir. Onlar fəaliyyətlərindən əldə etdikləri vəsaitləri dövlət büdcəsinə ödəyirlər. Xüsusi notariuslar isə lisenziya (şəhadətnamə) aldıqdan sonra sərbəst formada fəaliyyət göstərirlər. Onlar rüsum kimi əldə olunmuş vəsaitdən vergilər və digər məcburi ödənişləri ödədikdən sonra qalan məbləğə sərbəst sərəncam verə bilərlər.
