Xaçmazda 1 ton 254 kiloqram çətənə bitkisi yetişdirən şəxs tutulub. Bu barədə ShimalNews 2 sentyabr tarixində Baş Narkotiklərlə Mübarizə İdarəsinə istinadən məlumat verir.
Xudat Polis Bölməsinin əməkdaşları tərəfindən əməliyyat-axtarış tədbirləri həyata keçirilib. Nəticədə rayon sakini Kamal Qəribov saxlanılıb. Onun meşə sahəsində 350 ədəd narkotik xassəli çətənə (kannabis) bitkilərini aqrotexniki qaydada qulluq edərək becərdiyi məlum olub.
Bundan başqa, həmin yerdən 5 kiloqrama yaxın kustar üsulla hazırlanmış marixuana aşkar edilərək götürülüb.
Faktla bağlı Xaçmaz RPŞ-də cinayət işi başlanılıb və məhkəmənin qərarı ilə Kamal Qəribovun barəsində həbs qətimkan tədbiri seçilib.
