Xaçmazda maestro Niyazinin anadan olmasının 110-cu ildönümü münasibətilə tədbir keçirilib. Bu barədə ShimalNews 6 sentyabr tarixində Xaçmaz Regional Mədəniyyət İdarəsinə istinadən məlumat verir.
Padar kənd kitabxana filialında "Musiqi sənətində "Qızıl mərhələnin simvolu - Maestro Niyazi" mövzusunda məlumat günü təşkil edilib. Burada gənc iştirakçılara dünya şöhrətli bəstəkar, SSRİ Xalq artisti, Sosialist Əməyi Qəhrəmanı, Azərbaycan və SSRİ Dövlət mükafatları laureatı olan maestronun yaradıcılığından məlumat verilib.
