Xaçmaz Rayon Mərkəzi Xəstəxanasının həkim və tibb işçilərindən ibarət briqada Həsənqala kəndində tibbi müayinə keçiriblər.
ShimalNews xəbər verir ki, Həkim Məntəqəsində müxtəlif ixtisaslı (terapevt, mama-ginekoloq, pediatr, lobarant) həkimlər tərəfindən 38 sakinə 47 tibbi xidmət göstərilib. Nəticədə uyğun olaraq onlar müalicəyə cəlb olunublar.
Kəndlərdə keçirilən "Səyyar Tibbi Xidmət" aksiyaları əhali arasında xəstəliklərin qarşısının alınması, ilkin diaqnostikası, müalicəsi, maarifləndirilməsi, azyaşlı, uşaqlar, hamilə və zahı qadınların yerində müşahidəsi və əhaliyə göstərilən tibbi xidmətin əlçatanlığının təmin edilməsi məqsədilə təşkil edilir.
Səyyar tibbi müayinələr digər ətraf kəndlərdə də davam etdiriləcək.
