Xaçmazda "Əmək hüquqlarım" adlı təlim keçirilib. Bu barədə ShimalNews 29 avqust tarixində Xaçmaz Rayon Gənclər və İdman İdarəsinə istinadən məlumat verir.
Heydər Əliyev Mərkəzində baş tutan görüşdə Vüsal Əlixanov təlimçi qismində çıxış edib. 20 nəfərin qatıldığı təlimdə aşağıdakı mövzular müzakirə edilib:
- Azərbaycanda əmək hüquqları necə qorunur;
- Əmək məcəlləsi və əmək müqaviləsi nədir;
- Azərbaycan Respublikasının Konstitusiyasında əmək hüququ;
- Əmək hüququmuz ən çox necə pozulur;
- İşə götürülən zaman yaşadığımız ayrı-seçkiliklər;
- Gender ayrı-seçkiliyi;
- Gender ayrı-seçkiliyinin yaratdığı iqtisadi və sosial problemlər.
Daha sonra proqrama uyğun olaraq iştirakçılar arasında əmək hüquqlarının öyrənilməsi üçün "Razıyam/Razı deyiləm", "Bunları bilmək maraqlıdır" və "Müxtəlif maaşlar" adlı oyunlar təşkil edilib.
