Ali məktəblərə yüksək balla daxil olan xaçmazlı tələbələr və respublika fənn olimpiyadasının qalibi olan şagirdlərlə görüş keçirilib.
ShimalNews xəbər verir ki, tədbir Xaçmaz Rayon İcra Hakimiyyətində (RİH) təşkil olunub. İcra başçısı Elnur Rzayev gəncləri təbrik edib, onlara savadlı, bilikli, bacarıqlı gənc kadr kimi müstəqil Azərbaycanın inkişafı, tərəqqisi naminə görülən işlərdə layiqli töhfələr vermələrini arzulayıb.
Quba-Xaçmaz Regional Təhsil İdarəsinin müdiri Coşqun Əliyev öz çıxışında bildirib ki, bu il Xaçmaz rayonunda orta məktəbi bitirən məzunlardan 599 tələbə adını qazanıb, onlardan 30-u 600-dən, 89-u isə 500-dən yuxarı bal toplayıb. Bundan başqa rayon üzrə 11 şagird respublika fənn olimpiyadasının qalibi olub.
Sonda qəbul imtahanlarında yüksək bal toplayan tələbələrə və fənn olimpiyadasının qalibi olan şagirdlərə fəxri fərman və qiymətli xatirə hədiyyələri təqdim edilib.
