Xaçmazda xüsusi dövlət mühafizəsi sahəsində çalışan əməkdaşların peşə bayramı qeyd olunub. Bu barədə ShimalNews 23 avqust tarixində Xaçmaz Rayon İcra Hakimiyyətinə istinadən məlumat verir.
Tədbir iştirakçıları əvvəlcə ümummilli lider Heydər Əliyevin abidəsini ziyarət edərək önünə gül dəstələri qoyublar.
Sonra icra başçısı Elnur Rzayev bayram münasibətilə təbrik söyləyib. O bildirib ki, xüsusi mühafizə sisteminin şəxsi heyəti Azərbaycan Respublikasının ərazi bütövlüyü, ölkəmizdə ictimai-siyasi sabitliyin qorunması, respublikamızda baş verə biləcək terror aktlarının qarşısının alınması kimi ən mühüm sahələrdə daim nümunəvi fəaliyyəti və fədakarlığı ilə diqqəti cəlb edib.
Daha sonra yerli hüquq-mühafizə orqanlarının rəhbərləri təbriklə çıxış ediblər. Sonda xidmətdə fərqlənən bir qrup əməkdaşa Xaçmaz Rayon İcra Hakimiyyətinin Fəxri fərmanları təqdim olunub.
[caption id="attachment_22945" align="alignnone" width="300"]
Foto Xaçmaz Rayon İcra Hakimiyyəti[/caption]
