Xaçmazda “İslamda zorakılıq anlayışı” mövzusunda görüş keçirilib. Bu barədə ShimalNews 7 sentyabr tarixində Dini Qurumlarla İş üzrə Dövlət Komitəsinə (DQİDK) istinadən məlumat verir.
Tədbir DQİDK-nın Quba bölgəsi üzrə şöbəsinin, Xaçmaz Rayon İcra Hakimiyyətinin və rayonun Qobuqırağı kənd məscidi dini icmasının birgə təşkilatçılığı ilə keçirilib.
Mövzu ilə bağlı çıxışlarında natiqlər vurğulayıblar ki, İslam dini istənilən zorakılıq halına qarşıdır. İslamın sülh dini olduğu da bir daha hər kəsin diqqətinə çatdırılıb.
Daha sonra tədbir qarşılıqlı müzakirələr və sualların cavablandırılması ilə davam edib.
