Xaçmaz rayonunda sentyabrın 30-na kimi “ASAN Səyyar” xidmət göstərəcək. Bu barədə ShimalNews 7 sentyabr tarixində məlumat verir.
Səyyar avtobus Xaçmaz şəhərində, Hacı Zeynalabdin Tağıyev küçəsində (1 nömrəli məktəbin yanında) fəaliyyət göstərir. Əhali həftənin 5 günü müraciət edə bilər. Avtobus saat 10:00-dan 18:00-dək fəaliyyət göstərir. Saat 14:00-dan 15:00-dək nahar fasiləsidir. Şənbə və bazar qeyri-iş günləridir.
“ASAN Səyyar”ın əsas məqsədi göstərilən dövlət xidmətlərinin vətəndaşlara daha rahat üsulla təqdim edilməsidir.
