Xaçmaz Rayon İcra Hakimiyyətinin başçısı Elnur Rzayev Yalama kəndində arıçılıq təsərrüfatlarına baxış keçirib, məhsuldarlıqla maraqlanıb.
ShimalNews müəssisəyə isitnadən xəbər verir ki, fermerlər bol məhsul əldə edirlər. Orta hesabla bir yeşikdən 18-20 kiloqram bal götürülüb.
Toplanan məhsulun bir hissəsi satışa çıxarılıb. Hazırda 1 kq balın satış qiyməti 20-25 manat arasında dəyişir.
Rayon İcra Hakimiyyətinin başçısı Elnur Rzayev bildirib ki, dövlət tərəfindən arıçılıq təsərrüfatlarına subsidiyanın verilməsi bu sahənin genişləndirilməsinə şərait yaradıb. 2022-ci ilədək davam edən prossesdə 264 arıçı fermerin 7464 arı ailəsinə 74640 manat subsidiya verilmişdir.
