Xaçmaz Rayon Polis Şöbəsinin keçirdiyi əməliyyatlar nəticəsində 2 nəfər saxlanılıb. Bu barədə ShimalNews 18 avqust tarixində Report-a istinadən məlumat verir.
“Xaşxaş-2022” şərti adlı tədbirlər nəticəsində Elmin Kərimov saxlanılıb. O, narkotik tərkibli bitkilərin külli miqdarda kultivasiyası ilə məşğul olmaqda şübhəli bilinir. Kərimovun öz həyətində əkib yetişdirdiyi 189 ədəd (140 kiloqram) çətənə kolu və 5,2 kiloqram marixuana aşkar olunub.
Digər saxlanılan şəxs Nayib Cəfərovdur. Onun üzərindən heroin aşkarlanaraq götürülüb.
Faktlarla bağlı cinayət işi başlanılıb. Hər iki şəxs barəsində həbs qətimkan tədbiri seçilib.
