Şimal bölgəsində meşə və meşəətrafı ərazilərdə baş vermiş yanğınların söndürülməsi tədbirləri davam etdirilir. Bu barədə ShimalNews 18 avqust tarixində Fövqəladə Hallar Nazirliyinə istinadən məlumat verir.
Xaçmazda yanğınsöndürmə işlərinin effekiv aparılması üçün su ehtiyatını təşkil etmək məqsədilə əraziyə yanğın qatarı gətirilib.
Quba, Qusar, Xaçmaz və Şabranda baş vermiş yanğınların, nəzarətə götürülərək, soyudulması işləri aparılır.
Son sutka ərzində respublika üzrə 110 yanğına çıxış qeydə alınıb. Onların 32-si Şimal bölgəsinin payına düşür.
Yanğınsöndürmə əməliyyatları davam etdirilir.
