Xaçmazda Zəfər Günü ilə bağlı silsilə tədbirlər təşkil olunur. Bu barədə ShimalNews 5 noyabr tarixində Xaçmaz RİH-yə istinadən məlumat verib.
Mədəniyyət müəssisələrində keçirilən tədbirlərdə İcra Hakimiyyətinin rəsmiləri, Vətən müharibəsi iştirakçıları, qazilər, şəhid ailələri, idarə, müəssisə, təşkilat rəhbərləri, ictimaiyyət nümayəndələri, ziyalılar və gənclər iştirak ediblər.
Tədbirlərdə “Vətən müharibəsi” mövzusunda məktəblilərin rəsmləri sərgilənib, maraqlı rəqslər nümayiş olunub, vətənpərvər ruhda mahnılar səsləndirilib.
