Xaçmaz rayonunda vətəndaşların növbəti səyyar qəbulu təşkil olunub. Bu haqda 25 aprel tarixində ShimalNews RİH-yə istinadən məlumat verir.
Elnur Rzayev, yerli hüquq mühafizə orqanlarının rəhbərləri və xidmət təşkilatlarının məsul şəxsləri Yeni Həyat qəsəbəsi və Həbibkənd kəndinin sakinləri ilə görüşüblər. Vətəndaşlar elektrik təsərrüfatının yenilənməsi, suvarma kanallarının təmizlənməsi, məktəb binasının əsaslı təmiri və digər sosial məsələləri səsləndiriblər.
