Dövlət Ekoloji Təhlükəsizlik Xidmətinin əməkdaşları Xaçmaz və İsmayıllıda nəzarət tədbirləri keçiriblər. Bu barədə ShimalNews 24 iyun tarixində məlumat verir.
Araşdırma zamanı ağacların Xaçmaz rayonunun Palçıqoba kəndində vətəndaş Zahir Nəcəfov, İsmayıllı rayonunda isə Diyallı kəndi ərazisində həmin yaşayış məntəqəsinin bələdiyyəsinin sədri Cahangir Surxayev tərəfindən kəsildiyi məlum olub.
Faktlarla bağlı akt tərtib edilib, hər bir fakt üzrə yaşıllıqlara dəymiş ziyanın məbləği cinayət tərkibi yaratdığından məsələyə hüquqi qiymət verilməsi üçün toplanmış sənədlər Azərbaycan Respublikasının Baş Prokurorluğuna göndərilib.
