Xaçmaz rayonunun Şollar kəndində yanğın hadisəsi qeydə alınıb. Bu barədə ShimalNews 10 avqust tarixində məlumat verir.
Avqustun 9-u, saat 21:00 radələrində kənddə yerləşən ikimərtəbəli evdə alışma baş verib. Nəticədə dam örtüyünün 120 kv.m sahədə taxta atmaları, 2-ci mərtəbədə 1 otaq, 95 kv.m sahədə taxta konstruksiyalardan ibarət aynabənd və pilləkən qəfəsi yanıb.
Evin qalan hissəsi əraziyə cəlb edilən FHN-in bölmələri tərəfindən mühafizə olunub və alov söndürülüb. Bu proses zamanı ətraf ərazilərdə elektrik təminatı dayandırılmışdır.
