Xaçmaz şəhərində yanğın hadisəsi qeydə alınıb. Bu haqda ShimalNews 15 avqust tarixində xəbər verir.
Fövqəladə Hallar Nazirliyinin (FHN) məlumatına əsasən, ümumi sahəsi 1200 kv.m olan tikinti materialları sexinin yanar konstruksiyaları 100 kv.m sahədə, içərisində 7 ədəd dəzgah, taxta materialları və bitişik sahəsi 40 kv.m olan avtomobil təmiri sexinin içərisində 7 kv.m sahədə yağ qalıqları yanıb.
Obyektin qalan hissəsi və yaxınlıqda olan avtomobillər yanğından mühafizə olunub. Yanğın söndürülüb.
