Xaçmazda “Ulduzlar” ədəbi məclisinin növbəti məşğələsi keçirilib. Bu barədə ShimalNews 22 avqust tarixində məclisə istinadən məlumat verir.
Tədbir Xaçmaz Rayon Mərkəzləşdirilmiş Kitabxana Sisteminin oxu zalında baş tutub.
Məşğələ zamanı şair Sabir Nemətovun müxtəlif illərdə qələmə aldığı vətənpərvərlik, məhəbbət və satira mövzularında şeirlərinin toplandığı sayca ikinci - “Yalanlar içində” kitabının təqdimatı keçirilib. Yeni kitabının işıq üzü görməsi münasibətilə şairi təbrik edən məclis üzvlərindən Pənah Elqəm müəllifin “Günəş və yer” şeirini, Səxavət Ənvəroğlu “Səsi könlümün” şeirini, Böyükağa Ağa Sabir müəllimin “Kimi sevdi, bəyəndi” şeirini və özünün yenicə yazdığı bir satirik şeirini səsləndirib.
Tədbirdə iştirak edən 82 yaşlı professor, ustad Şahin Fazil “Ulduzlar”a hədiyyə etmək üçün “Qocalığın Mübarək” kitabını məclisin sədri Fərzalı Ziyanura təqdim edib.
