Xaçmaz rayonunda yerləşən məktəbin qəzalı vəziyyətdə olması ilə bağlı Quba-Xaçmaz Regional Təhsil İdarəsi açıqlama verib. Bu haqda ShimalNews 19 yanvar tarixində xəbər verir.
İdarədən bildirilib ki, İstisu qəsəbə tam orta məktəbində sinif otağına qar-yağış sularının damması ilə bağlı sosial şəbəkələrdə videogörüntülər paylaşılıb. Bu haqda məlumatlıdırlar.
Bundan öncə də həmin məktəbin təmir-tikinti ehtiyacları müəyyənləşdirilmiş və bu barədə aidiyyəti idarəyə məlumat təqdim olunmuşdur. Yaxşı şəraitin yaradılması üçün işlərə başlanılıb.
Həmçinin burada oxuyan şagirdlərin yaxınlıqda yerləşən digər məktəblərə daşınması işinin təşkili üçün hazırda təhlillər aparılır.
Daha öncə məktəbin qəzalı vəziyyətdə olması haqqında məlumat vermişdik.
[caption id="attachment_54878" align="alignnone" width="640"]
açıq mənbə[/caption]
