Xaçmazda qanunsuz ağackəsmə faktı aşkar edilib. Bu barədə ShimalNews 30 avqust tarixində Baş prokurorluğa istinadən məlumat verir.
Araşdırma adıçəkilən qurum tərəfindən aparılıb. Müəyyən olunub ki, Xaçmaz rayonunun dövlət mülkiyyətində olan torpaq sahəsində meşə fonduna daxil olan müxtəlif cinsli və diametrli ağaclar kəsilib. Faktla bağlı Cinayət Məcəlləsinin 188.1, 259.1, 259.2.3 və 259.2.4-cü maddələri ilə cinayət işi başlanılıb.
Xaçmazla yanaşı, Lənkəran şəhəri, eləcə də İsmayıllı və Oğuz rayonları ərazisində, ümumilikdə 280-dən çox ağac məhv edilib. Nəticədə ekosistemə 60 min manat məbləğində maddi ziyan dəyib.
