Xaçmaz şəhərində yerləşən “Aysberq” pivə istehsalı zavodunda mülki müdafiə məşqi keçirilib. Bu haqda ShimalNews 16 avqust tarixində məlumat verir.
Təlim Fövqəladə Hallar Nazirliyinin (FHN) Şimal Regional Mərkəzi tərəfindən təşkil edilib. Məşq zamanı baş vermiş şərti fövqəladə hadisə ilə əlaqədar mülki müdafiə dəstələrinin fəaliyyətləri simulyasiya edilib, həmçinin funksional vəzifələrlə bağlı məruzlər dinlənilib.
Məqsəd obyektin mülki müdafiə qüvvələrinin fövqəladə hallara operativ reaksiyavermə hazırlığı səviyyəsinin yoxlanılması və böhran vəziyyətlərində birgə fəaliyyətlərin uzlaşdırılması, komandir-rəis heyətinin idarəetmə üzrə bilik və bacarıqlarının təkmilləşdirilməsi, şəxsi heyətə xəbərdarlıq toplanışı üzrə əməli vərdişlərin aşılanması olub.
