Xaçmaz rayonundan olan hərbi qulluqçu mərhum Elvin Eyvazovun ailəsi ziyarət olunub. Bu barədə ShimalNews 3 iyun tarixində məlumat verir.
Görüşdə icra başçısı Elnur Rzayev və yerli hüquq mühafizə orqanlarının rəhbərləri iştirak ediblər.
Elvin bədbəxt hadisə nəticəsində Samur-Dəvəçi-Abşeron su kanalında boğularaq dünyasını dəyişmişdir.
Hərbçimiz Vətən müharibəsində Suqovuşan istiqamətində gedən döyüşlərdə, eləcə də 2022-ci ilin sentyabrında düşmən təxribatının qarşısının alınmasında və 2023-cü ilin sentyabrında antiterror tədbirlərində mərdliklə döyüşüb. Vətən müharibəsindən sonra Elvin Eyvazov Azərbaycan Respublikası Prezidentinin Sərəncamı ilə “Suqovuşanın azad olunmasına görə” medalı ilə təltif olunub.
