Mədəniyyət Nazirliyi kommunikasiya menecerlərinin təqdimatında Xaçmaz rayonuna cavabdeh əməkdaşını ictimaiyyətlə təqdim edib. Bu barədə ShimalNews 3 oktyabr tarixində Mədəniyyət Nazirliyinə istinadən məlumat verir.
Nazirlik həyata keçirilən islahatların tərkib hissəsi kimi “Kommunikasiya meneceri” layihəsini təqdim edib.
Regional mədəniyyət idarəsində çalışan Fərid Musayev PR, media və kommunikasiya fəaliyyətinə məsul nümayəndə – kommunikasiya meneceri kimi fəaliyyət göstərəcək.
O, media subyektləri və ictimaiyyətlə əlaqələr üzrə məsul nümayəndə olaraq çalışdığı regional idarənin tədbir və layihələrinin mediada işıqlandırılmasını, idarənin fəaliyyəti barədə ictimaiyyətin məlumatlandırılmasını və bundan irəli gələn digər vəzifələrin yerinə yetirilməsini, eləcə də sosial media fəaliyyətinin təşkilini təmin edəcək.
