Xaçmaz KOBİM tərəfindən 23 sahibkara yerində məsləhət xidmətləri göstərilib. Bu barədə ShimalNews 30 sentyabr tarixində mərkəzə istinadən məlumat verir.
Cari ay ərzində mərkəz tərəfindən Xaçmaz, Qusar, Şabran və Siyəzən rayonlarında fəaliyyət göstərən sahibkarlıq subyektlərinin təsərrüfatlarına baxış keçirilib. Məsləhət xidmətləri çərçivəsində fındıq, qoz, gilas, armud, alma, badam, şaftalı və nektarin bağlarında meyvə ağaclarına qulluq, zərərvericilərə qarşı dərman vasitələrindən düzgün istifadə, budama, suvarılma və gübrələnmə sistemi, əkin qaydaları və yığım prosesi haqqında məlumat verilib. Sahibkarları maraqlandıran suallar xarici ekspert Sərkan Şimşək tərəfindən cavablandırılıb.
