Xaçmazda gəmi istifadəçilərinə təhlükəsizlik qaydaları ilə bağlı maarifləndirici tədbir keçirilib. Bu barədə ShimalNews 29 sentyabr tarixində Fövqəladə Hallar Nazirliyinə istinadən məlumat verir.
“Kiçikhəcmli gəmilərin təhlükəsiz istismarı” mövzusunda keçirilən tədbir Niyazoba kəndində baş tutub. FHN-in əməkdaşları iştirakçılara bu tip gəmilərin təchizat avadanlıqları barədə məlumat veriblər. Eyni zamanda kiçikhəcmli gəmi sürücüləri kollektiv və fərdi xilasedici vasitələr ilə bağlı da maarifləndiriliblər.
Sonda iştirakçılara təhlükəsiz istismar qaydaları haqqında broşürlər paylanılıb.
