Xaçmazda jurnalistika ixtisasına qəbul olmaq istəyən abituriyentlər üçün qabiliyyət imtahanı keçirilib. Bu haqda ShimalNews 5 avqust tarixində məlumat verir.
Dövlət İmtahan Mərkəzi (DİM) tərəfindən təşkil edilən imtahana III ixtisas qrupu üzrə test imtahanı verərək müsabiqə şərtini ödəyən şəxslər qatılıblar. Bu mərhələ 2 saat 30 dəqiqə davam edib.
Abituriyentlər təqdim olunmuş mövzulardan biri üzrə inşa (esse) yazıblar. İmtahan nəticələri yazı işlərinin yoxlanılması prosesi başa çatdıqdan sonra, 4-5 gün ərzində elan olunacaq. Məqbul qiymət alanlar ixtisas seçimi zamanı jurnalistika ixtisasını ərizələrində qeyd edə biləcəklər.
