Xaçmaz Rayon İcra Hakimiyyətinin başçısı qazi Çingiz Vəçhiyevi ziyarət edib. Bu barədə ShimalNews 24 avqust tarixində quruma istinadən məlumat verir.
Elnur Rzayev Niyazoba kəndində yaşayan Vətən müharibəsi qazisinin evində olub və onun səhhəti ilə maraqlanıb. İcra başçısı ailənin qayğılarını öyrənib, müraciət və təkliflərini dinləyib.
Vəçhiyev ordu sıralarında MAHHXHQ kimi xidmət edib. Vətən müharibəsində ağır yaralanan qazi bir müddət əvvəl “YAŞAT” Fondunun dəstəyi ilə Türkiyədə müalicə olunaraq ölkəmizə qayıdıb.
Çingiz Vəçhiyev döyüşlərdə göstərdiyi şücayətlərə görə müxtəlif medallarla təltif olunub. Qazimiz 1-ci dərəcəli Vətən müharibəsi əlilidir.
