Xaçmazda Qida Təhlükəsizliyi Agentliyi (AQTA) heyvan kəsimi məntəqələrində yoxlamalar keçirib. Bu barədə ShimalNews 23 avqust tarixində agentliyə istinadən məlumat verir.
AQTA, Daxili İşlər Nazirliyi və yerli icra hakimiyyəti orqanlarının əməkdaşları birgə monitorinqlər keçiriblər. Aşkarlanmış uyğunsuzluqlarla əlaqədar, 2 məntəqədə kəsim qurğuları sökülüb.
Qanunsuz metal konstruksiyaları sökülmüş müəssisələr Köhnə Xaçmazda yerləşir. Onların sahibkarları Murad Əhmədov və Zaur Seyidovdur.
