Xaçmaz rayon Heydər Əliyev Mərkəzində təşkil edilən tarix dərsləri davam edir. Bu haqda 29 mart tarixində Shimal.news mərkəzə istinadən xəbər verir.
"Bir Dühanın ömür salnaməsi" layihəsi çərçivəsində "Heydər Əliyev və Azərbaycanın strateji inkişafı" mövzusunda mühazirə 7 saylı tam orta məktəbin şagirdlərinə oxunulub. Mərkəzin bələdçisi Nərmin Arzumanova müstəqil Azərbaycanın memarı, ümummilli lider Heydər Əlirza oğlu Əliyevin həyat və yaradıcılığından bəhs edib.
Sonda şagirdlər dahi liderin fəaliyyətini əks etdirən eksponatlarla tanış olublar.
