Xaçmaz Rayon İcra Hakimiyyətinin başçısı növbəti səyyar qəbul keçirib. Bu barədə ShimalNews 25 avqust tarixində quruma istinadən məlumat verir.
Görüş Qıraqlı kəndində baş tutub. Elnur Rzayev və yerli hüquq-mühafizə orqanlarının nümayəndərləri Palçıqoba, Manafoba, Ağaşirinoba və Qıraqlı kəndlərinin sakinlərinin müraciətlərini dinləyiblər.
Qaldırılan məsələlərin çox hissəsi elektrik təchizatının yaxşılaşdırılması, yolların təmiri və suvarma suyu ilə bağlı olub. Səsləndirilən müraciətlərin bir çoxu yerindəcə həll edilib.
Görüşün sonunda icra başçısı Vətən müharibəsi iştirakçılarına təltif olunduqları medalları təqdim edib.
