Xaçmazda "Təmiz hava" aylığı çərçivəsində maarifləndirmə tədbirləri keçirilib. Bu barədə ShimalNews 26 avqust tarixində AZƏRTAC-a istinadən məlumat verir.
Təşkil edilən tədbir zamanı avtomobillərdən çıxan qazların tərkibi xüsusi avadanlıqlarla yoxlanılıb. Zəhərli qaz ixrac edən avtomobillərin sürücüləri ilə profilaktik söhbətlər aparılıb.
Yoxlamalar Xaçmaz Rayon Polis Şöbəsinin Dövlət Yol Polisi Bölməsi və 5 saylı Regional Ekologiya və Təbii Sərvətlər İdarəsinin əməkdaşları tərəfindən keçirilib.
