Xaçmazda yerləşən məktəbin binası 40 ildən çoxdur ki, təmir edilmir. Bu barədə ShimalNews 1 fevral tarixində Azərtac-a istinadən məlumat verir.
Yergüc kənd tam orta məktəbi 1980-ci ildə istifadəyə verilib. İkimərtəbəli təhsil oçağının dam örtüyü, tavanı və döşəməsi yararsız hala düşüb, tavandan isə siniflərə su damır. Bu məktəbdə hazırda 400-ə yaxın şagird təhsil alır.
“Məktəb binasının təmirsiz olması bu ərazidə yaşayan şagirdlərin digər məktəblərə getməsinə səbəb olur. Sinif otaqları yararsız vəziyyətdədir. Yağıntı olanda ikinci mərtəbədəki sinif otaqlarına yağış damır. Bu da xüsusən qış aylarında şagirdlərin davamiyyətinə çox pis təsir edir. Məktəbdə, həmçinin su problemi var. Sinif otaqları çox böyük olduğuna görə qızdırmaq çətindir. Bütün bunlar davamiyyətə və təhsilin keyfiyyətinə mənfi təsir göstərir”, - deyə məktəbin direktoru Məhəbbət Zeynalova bildirib.
Quba-Xaçmaz Regional Təhsil İdarəsindən bildirilir ki, rayonda 21 qəzalı, 18 əsaslı təmirə ehtiyacı olan məktəb binası var. 2023-2024-cü illərdə rayonda 6 təhsil müəssisəsinin əsaslı təmiri nəzərdə tutulub ki, onlardan biri də Yergüc kənd tam orta məktəbinin binasıdır.
[caption id="attachment_35894" align="alignnone" width="640"]
Foto Azertac[/caption]
[caption id="attachment_35896" align="alignnone" width="640"]
Foto Azertac[/caption]
