“Yalama Aqropark”da silosluq qarğıdalının 125 hektarı biçilib. Bu barədə ShimalNews 6 sentyabr tarixində Azərtac-a istinadən məlumat verir.
Bu il “Yalama Aqropark”da 349 hektar dənlik, 262 hektar silosluq qarğıdalı əkini aparılıb. Avqust ayının əvvəlindən başlanılan əsas qaba yem komponenti olan silosluq qarğıdalı biçininin ilkin mərhələsi artıq yekunlaşıb. Təkrar əkin aparılan 137 hektar yemlik qarğıdalı isə sentyabrın 15-dən biçilməyə başlayacaq.
“Yalama Aqropark” MMC-nin əkinçilik xidmətinin rəhbəri Rza Rzayev bildirib ki, biçilən silosluq qarğıdalı əkinindən 5.000 ton yaşıl kütlə götürülüb. Orta hesabla hər hektardan 40 ton məhsul əldə edilib.
Son illərdə müəssisənin sahələrində dənlik qarğıdalı əkini üzrə orta məhsuldarlıq, ümumilikdə 15 ton və ondan yuxarı olub. Bu isə ölkə üzrə ən yüksək göstəricidir.
