Oğuz Rayon Polis Şöbəsinin əməkdaşları sosial şəbəkələr vasitəsilə vətəndaşları aldadan şəxsi saxlayıblar.
Shimal.News xəbər verir ki, 27 yaşlı Yusif İslamov "aksesuar auto" adlı "TikTok" səhifəsində avtomobil ehtiyat hissələrinin satışı ilə bağlı saxta elanlar yerləşdirib. O, vətəndaşların etibarından sui istifadə edərək məhsulların ünvana çatdırılması üçün öncədən ödəniş tələb edib.
Polis müəyyən edib ki, İslamov bu üsulla bir neçə vətəndaşı aldadaraq onların pulunu ələ keçirib.
Faktla bağlı araşdırma aparılır.
