Ailə üzvlərinə əzab vermədə təqsirləndirilən Siyəzən sakini C.Süleymanov barəsində verilən hökmdən şikayət edib.
Pravda.az-ın məlumatına görə, hakim Elman Rəhimovun sədrliyi ilə keçirilən prosesdə qərar şikayət təmin edilməyib.
İttihama görə, hadisə 01 oktyabr 2023-cü il tarixdə, saat 21:00 radələrində Siyəzən şəhərinin Xətai küçəsində yerləşən evlərin birində qeydə alınıb.
C.Süleymanov yedikləri yeməyin yaxşı olmamasını bəhanə edərək yumruqla arvadının baş nahiyəsinə vuraraq müxtəlif dərəcəli bədən xəsarətləri yetirib. O, bir neçə gün sonra yetkinlik yaşına çatmayan qızlarına köynəyini gətirməməsi səbəbindən yumruqla onların başına və bədəninin müxtəlif nahiyələrinə vurmaqla xəsarət yetirib. Daha sonra C.Süleymanov şüşə külqabını həyat yoldaşına atıb.
Təqsirləndirilən şəxs, ailə üzvlərinə mütəmadi olaraq döyməklə və ya sair zorakı hərəkətlərlə güclü fiziki ağrı və ya psixi iztirablar verməklə əzab verib.
Siyəzən Rayon Məhkəməsinin hökmü ilə C.Süleymanov 2 il müddətinə azadlıqdan məhrum edilib.
