Şimal zonasında baş vermiş yanğınların sığorta tərəfi ilə bağlı araşdırma aparılıb. Bu barədə ShimalNews 24 avqust tarixində Report-a istinadən məlumat verir.
“Bildiyiniz kimi Şabran, Siyəzən, Quba, Xaçmaz və Qəbələ rayonlarında yanğınlar qeydə alınıb. Apardığımız araşdırmalarla bu yanğınlar nəticəsində 20-dən çox yaşayış və qeyri-yaşayış obyektinin yararsız hala düşdüyünü müəyyən etdik. Əldə etdiyimiz məlumatlara görə, həmin əmlakların heç birinin sığortası olmayıb. Bu da onu bir daha göstərir ki, yanğınlar daşınmaz əmlaklarımız üçün daim risk təşkil edir. Ona görə də, əmlakımızı sığortalamalıyıq ki, bu kimi hadisələrə görə zərərləri minimuma endirə bilək”, - deyə “Azərbaycan Sığortaçılar Assosiasiyası" (ASA) İctimai Birliyinin icraçı direktoru Elmar Mirsalayev bildirib.
