Şimal bölgəsində Xəzər dənizi akvatoriyasında qanunsuz balıq ovlayan şəxslər saxlanılıb. Bu barədə ShimalNews 6 sentyabr tarixində Dövlət Ekoloji Təhlükəsizlik Xidmətinə istinadən məlumat verir.
Adıçəkilən Xidmətin əməkdaşları tərəfindən nəzarət tədbirləri keçirilib. Nəticədə Xaçmaz və Siyəzən rayonları akvatoriyasında qanunsuz balıq ovlayan şəxslər saxlanılıblar.
Məlumata görə, Xaçmaz şəhər sakini Tərlan Məcidov, Siyəzən rayon sakinləri Vaqif Muradov, Şahmar Ağayev, Qənbər və Rəvan Muradov, Şabran rayon sakinləri Samir Ağagülov, Məhəmməd Muxtarov məsuliyyətə cəlb ediliblər. Eləcə də onlardan istifadəsi qadağan olunmuş ov alətləri götürülüb və protokol tərtib olunub.
Fakt üzrə təbiətə dəymiş ziyanın məbləği cinayət tərkibi yaratdığından, toplanmış sənədlər Su Nəqliyyatında Polis İdarəsinə göndərilib.
