Bölgəmizdə helikopter vasitəsilə vəhşi heyvanlar arasında quduzluq xəstəliyinə qarşı növbəti peyvəndləmə aparılır. Bu haqda ShimalNews 28 fevral tarixində məlumat verir.
Tədbir çərçivəsində aldadıcı yemin səpilməsi nəzərdə tutulub. Azərbaycan Qida Təhlükəsizliyi Agentliyi (AQTA) əhalidən səpələnmiş həmin briketlərə toxunmamağı xahiş edir: “Aldadıcı yem tamamilə təhlükəsizdir. Əgər hər hansı bir ev və ya vəhşi heyvan bir neçə yem payını yesə belə, bu, həmin heyvanlar üçün təhlükə yaratmır. Ərazilərə atılmış, içərisində vaksin olan yemi qəbul etdikdən sonra vəhşi və sahibsiz heyvanlarda quduzluğa qarşı immunitet yaranır. Bu cür tədbirlər xüsusi təhlükəli xəstəlik sayılan quduzluğa qarşı epizootoloji sabitliyin qorunub saxlanılmasını təmin edir”.
