Şimal bölgəsində sərhəd boyu axan Samur çayının üzərindəki hidroqovşağın Rusiya ilə birgə istismarı müzakirə edilib. Bu barədə ShimalNews 10 dekabr tarixində Report-a istinadən məlumat verir.
Görüşdə çayın su ehtiyatlarının 2 ölkə arasında bölgüsü və monitorinqi, "Samur" hidroqovşağının birgə istismarı və digər məsələlərə baxılıb və görüləcək tədbirlər barədə protokol imzalanıb.
Sazişə əsasən, komissiyanın iclası ildə 2 dəfə, hər dəfə bir ölkənin ərazisində keçirilir.
Samur Azərbaycanda 5-ci böyük çaydır. Sutoplayıcısı, əsasən, Dağıstanda yerləşsə də, Samur çay aşağı axınında Azərbaycanla Dağıstan sərhədi boyu axaraq, hər iki respublikaya aid edilən çaydır. Onun uzunluğu 216 km, sutoplayıcı hövzəsinin sahəsi 4430 kv.km-dir.
