Şimal bölgələrində gözlənilən yağışlarla əlaqədar əksər çaylarda sululuğun artacağı gözlənilir. Bu barədə ShimalNews 5 sentyabr tarixində Ekologiya Nazirliyinə istinadən məlumat verir.
Ekologiya Nazirliyinin Hidrologiya mərkəzinin direktoru Asif Verdiyev məlumat verib ki, sentyabrın 6-8-i tarixlərində dağlıq və dağətəyi rayonlarda intensiv yağış və leysan olacaq. Buna görə bəzi çaylarda qısamüddətli sel keçəcəyi ehtimal olunur.
Hava şəraitinin uzun müddət yağmursuz və quraq keçməsi nəticəsində tranzit çaylarda sululuq normadan 47%, yerli çaylarda isə 20% aşağı olmuşdur.
