Şimal bölgəsində fəaliyyət göstərən müəssisələrdə qida təhlükəsizliyinə dair yoxlamalar keçirilib. Bu haqda ShimalNews 8 sentyabr tarixində Azərbaycan Respublikasının Qida Təhlükəsizliyi Agentliyinə (AQTA) istinadən məlumat verir.
Aparılan monitorinq nəticəsində ticarət və ictimai iaşə obyektlərində nöqsanlar aşkar olunub.
Obliqat qrupuna daxil olan işçilərin ilkin və dövri tibbi müayinədən keçirilməməsi, baytarlıq şəhadətnaməsi və ya arayışı olmayan heyvan mənşəli məhsulların qəbulu ilə bağlı qaydalara riayət olunmayan müəssisələrə inzibati protokol tərtib edilib. Onlar Xaçmaz-Şabran yolunda - “Ailə” və “Ekonom” marketlər; Quba-Gəndob yolunda - “Sahil” restoranı və “Karvan” yeməkxanasıdır.
