Rəqəmsal inkişaf və nəqliyyat naziri Rəşad Nəbiyev şimal bölgəsindən olan gənclərlə görüşüb. Bu barədə ShimalNews 9 avqust tarixində Gənclərin İnkişaf və Karyera Mərkəzinə (GİKM) istinadən məlumat verir.
Tədbir Qubada baş tutub. Burada yerli və Qusar, Xaçmaz, Şabran, Siyəzən və Xızı rayonlarında yaşayan, informasiya texnologiyaları, innovasiyalar və rəqəmsallaşma sahəsində fəal olan gənclər və GİKM-in müvafiq rayonlarda fəaliyyət göstərən nümayəndəliklərin əməkdaşları da iştirak ediblər.
Görüşdə ölkəmizdə İnformasiya Kommunikasiya Texnologiyaları (İKT) sektorunda həyata keçirilən yeniliklər haqqında danışılıb. Bu sahədə cavanların rolu barədə fikir mübadiləsi aparılıb.
Diskussiya şəklində davam edən görüşdə nazir gənclərin suallarını cavablandırıb, təklifləri dinləyib.
