Fövqəladə Hallar Nazirliyi Vətən müharibəsi ilə bağlı psixoloji sıxıntı yaşayan müharibə iştirakçılarına, o cümlədən qazilərə, doğmalarını itirmiş şəhid ailələri üzvlərinə, erməni terrorundan fiziki və mənəvi zərər görmüş insanlara psixoloji yardımı davam etdirir. Bu barədə ShimalNews 2 dekabr tarixində Azərtac-a istinadən məlumat verir.
Nazirliyin dəvəti ilə Türkiyədən ölkəmizə 20-dən artıq peşəkar psixoloq gəlib. Onlar FHN-in mütəxəssisləri ilə birgə fəaliyyət göstərirlər.
Ehtiyatda olan polkovnik-leytenant Dəyanət Əliyev göstərilən psixoloji yardımların əhəmiyyətini yüksək qiymətləndirib: “Bu layihə psixoloji problemlər yaşayan müharibə iştirakçılarına müsbət təsir göstərir. Layihənin təşkilatçılarına minnətdarlığımı bildirirəm”.
Hazırda Xaçmazda ödənişsiz həyata keçirilən psixoloji yardım üçün vətəndaşlar nazirliyin “112” qaynar telefon xətti vasitəsilə qeydiyyata yazıla bilərlər.
