Heydər Əliyev adına Hərbi İnstituta qəbul üçün I, II və III ixtisas qrupları üzrə sənəd qəbulu elan edilib. Bu haqda ShimalNews 12 aprel tarixində məlumat verir.
Dövlət İmtahan Mərkəzi bildirib ki, tədris Azərbaycan dilində əyani formada keçirilir. Təhsil müddəti isə 5 ildir.
İnstituta qəbul olmaq istəyən namizədlər Quba rayon təhsil sektorunda yaradılmış sənəd qəbulu mərkəzinə müraciət edə bilərlər. Son tarix aprelin 30-dur.
İmtiyazlar:
- 500 (beş yüz) manat məbləğində birdəfəlik ödəmə;
- 150 (yüz əlli) manat məbləğində aylıq təqaüd;
- 200 (iki yüz) manat məbləğində ailə üzvlərinə aylıq maddi yardım;
- 200 (iki yüz) manat məbləğində hesabda yığılan aylıq ödəniş;
- təhsil müddətində kursantların bütün təminat növləri ilə təmin olunması;
- məzunlara hərbi ixtisasla yanaşı, müvafiq mülki ixtisas üzrə bakalavr ali peşə-ixtisas dərəcəsinin verilməsi.
Namizədlər hərbi həkim komissiyasında müayinədən keçməlidirlər. Hərbi həkim komissiyasından keçmək üçün tarix və ünvan namizədlərə sənəd qəbulu mərkəzlərində bildiriləcək.
