Şimal Regional Mərkəzi Dövlət Yanğından Mühafizə Xidmətinin Yanğından Mühafizə hissələrinin qüvvələri ilə birgə təlim keçirib. Bu barədə ShimalNews 29 sentyabr tarixində Fövqəladə Hallar Nazirliyinə istinadən xəbər verir.
Təlim Quba, Qusar, Şabran, Siyəzən və Xaçmaz rayonlarında yerləşən qüvvələrin fövqəladə hadisələrlə mübarizə üzrə bilik və bacarıqlarının artırılması üçün təşkil olunub.
Xilasedicilər “hündürmərtəbəli binada köməksiz vəziyyətdə qalmış zərərçəkmişlərin” xüsusi vasitələrlə təxliyə edilməsi və baş vermiş yanğının söndürülməsi əməliyyatlarını icra ediliblər. Onlar qarşıya qoyulmuş tapşırıqları uğurla yerinə yetiriblər.
Sonda şəxsi heyətin fəaliyyəti təhlil olunub, müvafiq tapşırıqlar verilib.
