Xaçmaz və Quba rayonlarında əlilliyi olan uşaqlara və onların valideynlərinə dəstək məqsədilə layihə həyata keçirilib. Bu haqda ShimalNews 12 avqust tarixində “Azərtac”a istinadən məlumat verir.
“Azərbaycanda innovasiya əsaslı və dayanıqlı vətəndaş cəmiyyətinin inkişafı” layihəsi çərçivəsində icra edilən tədbirin məqsədi əlilliyi olan uşaqların valideynləri arasında bacarıqların artırılması yolu ilə onlar üçün inklüziv və keyfiyyətli mühiti dəstəkləməkdir. Quba, Xaçmaz və digər bölgələrdə təşkil edilən proqramlar çərçivəsində ümumilikdə əlilliyi olan 108 uşağın valideynləri arasında sorğu keçirilib.
Sorğu əsasında “COVID-19 pandemiyasının Azərbaycanda əlilliyi olan uşaqlar və onların ailələrinə təsirinin öyrənilməsi” adlı elmi məqalə hazırlanıb. Elmi məqalə bu yaxınlarda beynəlxalq statuslu jurnalda dərc ediləcək.
Layihə 2023-cü ilin sentyabrından başlayaraq bu ilin avqustunadək davam edib.
