Ədliyyə naziri Fərid Əhmədov Qusar, Quba, Xaçmaz, Şabran və Siyəzən rayon sakinlərini qəbul edəcək. Bu haqda ShimalNews 2 iyul tarixində xəbər verir.
Tədbir iyulun 22-si Qusar şəhərində keçiriləcək. Quruma aid məsələlərlə 20 iyul tarixinədək Xaçmaz Regional Ədliyyə İdarəsinə (ünvan: Xaçmaz şəhəri, H. Əliyev prospekti 17, əlaqə telefonu +994 2332 5-18-88) müraciət edərək, habelə Ədliyyə Nazirliyinin 012-510-10-01 (daxili nömrə: 2104) nömrəli telefonu və [email protected] elektron poçt ünvanı vasitəsilə qəbula yazılmaq olar.
Həmçinin vətəndaşların Nazirliyin elektron xidmətlər portalı (https://exidmet.justice.gov.az:8284/Other/Reception) vasitəsilə də qəbula yazılmaq imkanı var.
Qəbula gələn vətəndaşlardan şəxsiyyət vəsiqəsini də təqdim etmələri xahiş olunur. Ünvan və saat barədə əvvəlcədən məlumat veriləcək.
