Bölgəmizdə qədim zamanlardan itburnu və yemişanın faydalarını bilən insanlar qışda onlardan yararlanırlar. Bu haqda ShimalNews məlumat verir.
Elə bu gün də toxumlar yığılaraq yuyulur və təmizləndikdən sonra soyuq aylar boyunca istifadə edilir. Sobaların üzərində çaydanlarda müalicəvi çay dəmlənir. Bu isti içkinin özünəməxsus dadı, qoxusu və rəngi var.
İtburnunun tərkibi A, B1, B2, P, K və C vitaminləri, zülal, minerallar, kalium, soda, maqnezium, kalsium və fosforla zəngindir. O, immuniteti gücləndirir, iltihabi proseslərin qarşısını alır, soyuqdəyməyə xeyirlidir, sinir sistemini sakitləşdirir, böyrəklərdə və öd kisəsində daşların əmələ gəlmə riskini azaldır və digər müsbət təsirlərə malikdir.
Yemişan təbii ürək dərmanı sayılır. O, bir çox vitamin (xüsusilə C və B qrupu vitaminləri), mikroelementlər, orqanik turşular, efir yağları və s. faydalı maddələri özündə daşıyır. Taxikardiya və aritmiyanı aradan qaldırması ilə yanaşı, yemişan ürəyin və beyinin oksigenlə təchizatını artırır, maddələr mübadiləsini yaxşılaşdırır, yuxusuzluqla mübarizədə kömək edir, qanda xolesterinin səviyyəsini azaldır.
[video width="1920" height="1080" mp4="https://shimal.news/storage/photos/2022/11/FINAL2.mp4"][/video]
