Baş prokuror Kamran Əliyev Xaçmaz, Quba və Qusar rayonlarının sakinlərini qəbul edib. Bu barədə ShimalNews 2 sentyabr tarixində Baş Prokurorluğa istinadən xəbər verir.
Tədbir Xaçmaz rayon prokurorluğunun inzibati binasında keçirilib. Burada 30 vətəndaşın müraciətinə baxılıb. Onların qaldırdıqları məsələlərin, cinayət işlərinin istintaqı və məlumatların araşdırılması zamanı yol verilmiş qanun pozuntuları, mülki xarakterli mübahisələrlə bağlı və digər məsələlərin həlli üçün müvafiq göstərişlər verilib.
Qəbuldan sonra Baş prokuror Quba və Qusar rayonlarına səfər edib. Bu rayonlarda prokurorluq əməkdaşları ilə görüş zamanı vətəndaşların müraciətlərinə obyektiv baxılması və işinin düzgün təşkilinə görə tabe prokurorların fərdi məsuliyyət daşıdıqlarını onların diqqətinə çatdırıb.
